Får 173 millionar til nye studentbustader
Noregs Arktiske Studentsamskipnad får 43,3 millionar kroner frå Kunnskapsdepartementet for å bygga 120 nye studenthyblar i Dramsvegen i Tromsø.
I tillegg får samskipnaden 130 millionar kroner til 180 nye studenthyblar på Elvesletta i Longyearbyen.
– Ein god og rimeleg stad å bu er ein føresetnad for å kunna studera. For kvar hybel som blir ferdigstilt, så er det minst éin student som får moglegheit til å bu i en studentbustad gjennom studietida si, seier forskings- og høgare utdanningsminister Henrik Asheim.
Han legg til:
– Dessutan er det positivt med byggeaktivitet i ei tid der koronaviruset legg ein dempar på økonomien.
Det er 17 byggeprosjekter fordelt på sju studentsamskipnader og éin stiftelse som no får pengar. Regjeringa har valt å prioritera nye og lovande byggeprosjekter som kan setjast i verk i løpet av kort tid. Dermed er det 2 000 hybeleiningar som får middel i år.
– Studentsamskipnadene har vore flinke til å planlegga nye byggeprosjekter. Det betyr at det ikkje vil ta altfor lang tid før dei første spadane kan setjast i jorda. Det er ei god nyheit for studentane, seier Asheim.
