Romssa giellariššu: bargovejolašvuohta sámegielat studeanttaide

Dato/tid: 04.09.2018 00:00 - 15.06.2019 00:00
Målgruppe: Students
Frist: 31.12.2018
Telefon: 77645742

Áŋgirušatgo sámegiela ovddas? Ja liikotgo mánáiguin bargat? 2018 čavčča álggaheaba UiT ja Romssa suohkan Romssa giellariššu-doaimma, mii lea giellamovttiidahttindoaibma ohppiide geain lea sámegiellaoahpahus Romssas. Oktii vahkkus – juohke gaskavahkku – čoahkkanit mánát máŋgga iešguđetge skuvllas Romssas golmma diibmui iešguđetlágan doaimmaide. Ulbmilin lea ahte buot doaimmat galget čađahuvvot sámegillii ja ahte dát šattašii arenan mii nannešii mánáid sámegiela ovdáneami.  

Romssa giellariššui mii ohcat sámegielat studeanttaid geat sáhttet plánet, jođihit ja čađahit doaimmaid. Don fertet sámegiela hupmat njuovžilit, áŋgiruššat ja beroštit giellabarggus ja muđui beroštit mánáin. Erenoamážit háliidivččiimet oažžut studeanttaid geat lohket sámegiela ja oahpaheaddjeoahpu (maiddái mánáidgárdeoahpaheaddjeoahpu), muhto studeanttat eará oahppoprográmmain leat maid buresboahtin dieđihit beroštumi. UiT bargit ja eará resursaolbmot oahpahit ja bagadit du, ja dán doaimma bokte oaččut hárjáneami geavatlaš sámegiellabarggus. Bargu bálkáhuvvo diimmuid mielde. Fertet čájehit politiijaduođaštusa.

Eanet dieđuid addiba Berit Anne Bals Baal e-poasttas berit.a.baal@uit.no dahje telefovdna 90547317 dahje Øystein A. Vangsnes e-poasttas oystein.vangsnes@uit.no dahje telefovdna 992 50 658. Sádde ohcama nubbái dán guovttos. Mii váldit vuostá ohcamiid dađi mielde go bohtet. Ohcama oažžu čállit sáme- dahje dárogillii.


Få utskriftsvennlig versjon ved å trykke på denne