Helge Sandøy er ein sentral fagperson innanfor nordisk språkvitskap, og han er den eine av dei to hovudredaktørane for Norsk språkhistorie, bindredaktør for bind I og blant forfattarane i bind I, II og III.
Sandøy har sendt oss dette samandraget av føredraget sitt:
Språk og dialektar er kollektive fenomen, og bak språkendringar ligg fleire drivkrefter som verkar saman, indrespråklege og utomspråklege. I teorien om språkendring kan det vere nyttig å framheve makrososiolingvistikk som noko anna enn mikrososiolingvistikk. Språkendringane har neppe utgangspunkt i intensjon og kan ikkje forståast ut frå intuisjon. Dei må forklarast ved hjelp av modellar som kan testast empirisk. I foredraget vil eg prøve å underbygge desse påstandane både teoretisk og med støtte i nokre norske granskingar.