SAIH: dagsaktuell og på museum
Så godt som alle tilsette ved UiT kjenner til SAIH-tiarane frå studietida og semesteravgifta.
SAIH - Studentenes og Akademikernes Internasjonale Hjelpefond blei skipa i 1961: SAIHs bistandsarbeid er rettet mot studenter og ungdom mellom 15 og 35 år, samt akademikere og lærere tilknyttet utdanningssektoren. Vi har et særlig fokus på urfolk, unge kvinner og skeiv ungdom. (SAIH i verden - SAIH i Norge) UiT har vore SAIH-medlem sidan 1974. SAIH er nå dagsaktuelle og aktive med StAR - Students at Risk:
Lenker: SAIH på UiT - Students at Risk på UiT - UiT satsar meir på Scholars at Risk
På museum. SAIH fekk i 2012 enorm internasjonal merksemd for kampanjen Radiator Aid som var del av innsatsen på SAIH-temaet Våre bilder av Sør. Føremålet med kampanjen var å setje lys på vestlege stereotypiar om Afrika og u-land. Kvart år seinare står SAIH bak kåringa av dei tre beste (golden radiator) og tre verste (rusty radiator) innsamlingsvideoane - globalt. Det er framleis mogeleg å nominere til prisane for 2016.
Ta deg tid til å sjå nokre av videoane i arkivet - dei gode er svært gode! Sjå også: The Radiator Report: Challenging The Single Story.
Nå står kampanjen i utstillinga German Colonialism – fragments past and present på det Tyske historiske museet i Berlin, og i delen av utstillinga som omhandlar the ongoing continuities of colonialism in Europe today.
Det tyske koloniveldet fekk ein brå slutt med første verdskrigen etter omfattande krigshandlingar mange stader i Afrika og i andre verdsdelar. Denne historia er lite kjent hjå oss og det er stas at SAIH er tekne med for å visa korleis stereotypiane framleis heng med.
Uriks på lørdag 22.10.2016: Keiserens kolonier (NRK radio)
SAIH støttespelar?
Støtta du opp om SAIH-tiarane då du var student? - eller angra du på at du ikkje...?
Nå kan du vidareføra engasjementet som SAIH-støttespelar.
I mange land blir ny kunnskap og forsking sett på som trugsmål. Studentar og akademikarar opplever overgrep når die engasjerer seg i kampen for demokrati og rettigheter.Som tilsett ved UiT kan du vera med på å betra situasjonen deira ved å støtta SAIH sitt arbeid for akademisk fridom og retten til utdanning.
Lenke til sida der ein kan velja mellom direkte lønnstrekk eller autogiro. Det er skattefrådrag for gaver til SAIH som overstig 500 kr i året.
Vil du delta også i prakis? - meld tilbake så ser vi korleis vi kan få det til!
- Lenke til SAIH Tromsø lokallag (fjesbok)
- SAIH Tromsø lokallag har møte 03.november, kl 16:30
- SAIH har engasjert seg sterkt for tiltaka SAR - Scholars at Risk og StAR - Students at risk
- SAIH har spelt inn til UDs statsbudsejtt for 2017, og vore på høyring på Stortinget
- SAIH bidreg til Verdens beste nyheter
- SAIH står også bak Operasjon dagsverk 2016 - OD-dagen er 3. november
