UiT har tilsett ny viserektor i Sør-Troms/Nordland
Førstelektor ved Handelshøgskolen UiT, Bård Borch Michalsen, er tilsett som ny viserektor ved UiT. Han har kontorsted i Harstad og skal dekka Sør-Troms og Nordland.
UiT har to viserektorar, i Alta sitt Sveinung Eikeland medan Kriss Rokkan Iversen hadde same rolle i Sør-Troms inntil ho nyleg vart vald som nestleiar i det politiske partiet MDG og avslutta engasjementet sitt som viserektor.
Kjem frå UiT Handelshøgskolen
Michalsen jobbar ved UiT Handelshøgskolen i Harstad og underviser primært i leiing, prosjektleiing og kommunikasjon. Han har i tillegg lang erfaring som journalist og redaktør for ulike mediehus i landet, mellom anna i Harstad tidende kvar han var ansvarleg redaktør i perioden 2004–2012.
– Eg er begeistra for UiT som institusjon – som ei drivkraft i nord, og eg gleder meg over at eg får høve til å bidra til ei framleis positiv utvikling av UiT og til eit endå tettare samspill med samfunns- og næringsliv i Sør-Troms og Nordland, seier Bård Borch Michalsen.
Som viserektor skal han bidra til å løfta fram UiTs satsingar innan forsking og utdanning. Stillinga er ein fagleg leiarfunksjon, og har på vegner av rektor ansvar for UiT sin verksemd som regional utviklingsaktør og for å gjera tydeleg og forsterka UiTs samla innsats på dette området.
Kontaktpersonar:
- Anne Husebekk, tlf. 481 41 286
- Bård Borch Michalsen, tlf. 476 09 911
