Mo beassat girdišiljus gávpogii

Girdišiljus gávpogii sáhttá váldit busse, juogo Flybussena, mii bisána njuolga olggobealde girdišilju váldouvssa, dahje dábálaš gávpotbusse. Jus váldá dábálaš gávpotbusse (nummar 40 dahje 42 ádjánit su. 10-15 min. gávpogii, ja 24 dahje 26 ádjánit gaskkal 20-30 min.), de galgá váldit heaissa vuolitdási parkerensadjái ja vázzit parkerensaji rastá ja olggos, ja de rasttildit biilaluotta ja doppe lea bussebisánansadji (muitte fal rasttildit luotta, muđuid soaittát váldit dan busse mii manná nuppe guvlui, namalassii eret gávpogis).

Mo beassat bussiin gávpogis universitehtii

Busset 20, 21, 32, 34 mannet gávpogis universitehtii. Dat vulget bisánanbákkis man namma lea Smørtorget (Lahka Scandic Ishavshotell). Čuovo busse gitta ollet bussebisánansadjái mii lea merkejuvvon “UiT” (~10-15 minuhta mátki). 

Dáppe gávnnat busseruvttuid: https://fylkestrafikk.no/

Mo oastit bussebileahta

Flybussenis sáhttá oastit bileahta kredihttakoarttain.

Dábálaš busses lea álkimus oastit bileahta Troms billett appa bokte. Dábálaš bileahtta máksá 41 NOK. Bileahtta máksá 21 NOK gaskkal 0900-1400 ja 1700-00:30 árgabeivviid.  Sáhttá maid oastit billeahta busses, muhto dat lea divraseabbo ja vuoddjit dohkkehit dušše reaidoruđa máksun. Muhtun bisánanbáikkiin lea billeahttaautomáhtta mas sáhttá oastit báberbilleahta, omd. Fredrik Langes gate (olggobealde Kiwi-gávppi gávpogis). Billeahttaautomáhtas máksá kredihtakoarttain. Appas ja billeahttaautomáhtas lea maid vejolaš oastit 24-diibmosaš bileahta ja dat máksá 60 NOK. Dáppe oainnát gos billeahttaautomáhtta gávdno.

Idjadeapmi Romssas

Symposia ii leat várren oasseváldiide lanjaid hoteallain. Oasseváldit diŋgojit ieža orrunsaji. Eanas hoteallat leat gávpogis. Gávpogis sáhttá váldit busse universitehtaguvlui. 

Parkeren universitehtaguovllus

Jus boađát biillain vuoji universitehtii, de dán siiddus gávnnat dárogillii eanet dieđuid parkerema birra universitehtaguovllus: https://uit.no/parkering#park_742978

Oanehis čoahkkáigeassu sámegillii:

Guossit sáhttet guođđit biilla guossesajiide. Dat máksá 25 NOK diimmus, ja máksit sáhttá máksinautomáhtas.

Guossesajiid oainnát dán kárttas.

Konferánsalanjat

Duorastaga: UiT Norgga árktalaš universitehta, Girjerádjosa auditorium UB 132, Aud UB.

Bearjadaga: SVHUM viesus auditorium E0101.

Eahkesmállásat Ártnas, mii maiddái lea universitehtaguovllus.

Vuolábealde lea kárta mas lea riekkis biddjon bussebisánanbáiki UiT, girjerádjosa auditoria 132 ja Ártna birra. Njuolat čájehit movt beasat bussebisánanbáikkis girjerádjosa auditoriai.

Interneahtta

Universitehtaguovllus lea jođaskeahtes konferánsafierpmádat uit-conference (beassansátni lea konferánsamáhpas).