Illustrasjons-/bannerbilde for Sámegiela ja sámi girjjálašvuođa dutkan- ja bagadallansymposia
Bjørn Hatteng, UiT

UiT Norgga árktalaš universitehta, Sámi allaskuvla, Ubmi universitehta ja Oulu universitehta Giellagas-instituhtta bovdejit buot sámegiela ja sámi girjjálašvuođa dutkiid, studeanttaid ja eará berošteddjiid searvat symposiai, mii lágiduvvo UiT Norgga árktalaš universitehtas Romssas 19.–20.10.2023. Oktasaš sámesymposiat leat lágiduvvon jagi 1993 rájes, ja daid ulbmilin leamaš álggu rájes čohkket sámegiela ja sámi girjjálašvuođa dutkiid ja doavttirgráda- ja masterstudeanttaid iešguđege guovlluin. Dán jagi seminára čatnasa maiddái riikkaidgaskasaš álgoálbmotgielaid logijagi, IDIL (2022-2032), čalmmustahttimii Romssa universitehtas.

Čoahkkáigeasuid bovdehus:

Mii bovdet buot sámegiela ja sámi girjjálašvuođa dutkiid ja studeanttaid searvat miellagiddevaš symposiai.

Symposia sáhkavuorut sáhttet leat buotlágan fáttáin, mat mainna nu lágiin laktásit sámegiela ja sámi girjjálašvuođa dutkamii viiddes mearkkašumis. Sihtat sáddet ovttasiidosaš čoahkkáigeasu (abstrávtta) maŋimustá borgemánu 27. beaivve 2023. Sáhkavuoruid guhkkodat lea 20 minuhta + 10 minuhta ságastallamii.

Sádde čoahkkáigeasu dákko 

Symposia bovdejuvvon logaldallit:

Katri Hiovain-Asikainen / Divvun - UiT: Davvisámegiela hállansyntesa

Ilona Kivinen / Helssega universitehta: Adjektiivvaid geavaheapmi J.K. Qvigstada folkloremateriálas Lappiske eventyr og sagn
Sigbjørn Skåden / Freelancečálli: Sámi girječálli 21. jahkečuođis

Dieđihanáigemearri: 06.10.

Mana dieđiheapmái.

Symposia prográmmajoavku:

Berit Anne Bals Baal, UiT Norgga árktalaš universitehta

Hanna Mattila, Sámi allaskuvla

Hanna Outakoski, Ubmi universitehta

Markus Juutinen, Turku ja Oulu universitehtat

Konferánssa gulahallanolmmoš: Berit Anne Bals Baal, berit.a.baal@uit.no, tlf. (+47) 90547317

Starts: 19.10.23 at 08.30
Ends: 20.10.23 at 15.00
Where: Romssas
Location / Campus: Tromsø
Target group: Employees, Students, Guests
Contact: Berit Anne Bals Baal
Phone: (+47) 90547317
E-mail: berit.a.baal@uit.no
Add to calendar